[ Log In ]

Market reports


Market Reports (Maize, Oilseeds, Wheat & Financial) - Maize

Last updated:2020/09/11 08:34:25 AM

Local


• Mielies verhandel en sluit gister weereens baie sterker as die pariteit vir die dag, wat R4/ton positief was. Witmieliekontrakte sluit rondom R55/ton sterker, terwyl Geelmielies R30/ton beter sluit.
• Die Rand verswak oornag tot die huidige vlak van R16.86/$, 14c swakker as gister middag 12uur.
• Uitvoere vir die week 29 Augustus tot 4 September 2020 lyk as volg: 10 000 ton WM word uitgevoer, terwyl 36 000 ton geelmielies uitgevoer word. Die tonne is na ons buurlande, behalwe vir 23 529 ton wat na Vietnam is en 4701 ton wat na Korea is.
• Lewerings vir die week van 29 Augustus tot 4 September lyk as volg: Die reën ontvang deur die week het verseker n invloed op die baie laer lewerings. 72 811 ton witmielies is gelewer teenoor die vorige week se 252 496 ton. Slegs 26 140 ton geelmielies is gelewer teenoor die vorige week se 90 318 ton. In totaal, vanaf 1 Mei 2020 is daar 12.93 miljoen ton mielies gelewer.
• Suid Afrikaanse Desember geelmielies is nou R14/ton duurder vir Kaapse boere teenoor invoere vanaf Suid Amerika. Tesame met die syfer is Suid Afrikaanse geelmielies R362/ton te duur vir uitvoere na die Ooste.
• Die Desember pariteitsindeks is vanoggend R53/ton positief.

International


• VSA mielies kry baie sterk ondersteuning en styg 2% tot n vyf maande hoogtepunt.
• Die Desember mielieprys styg 5.25c tot $3.6550/skepel.
• Die maandelikse WASDE verslag word vandag in die VSA vrygestel.
• Weerkundiges in die VSA voorspel dat daar n 75% kan op n La Nina sisteem die somer kan wees. Vir die VSA beteken dit kouer as normale weer, maar in Suid Afrika natter as normaal.
• 61% van die oes waor as goed tot uitstekend gegradeer (verwagting, 61%; verlede week, 62%; verlede jaar, 55%).
• 25% van die oes is volwasse (verlede week, 12%; verlede jaar, 10%; langtermyn gemiddeld, 19%).



Market Reports (Maize, Oilseeds, Wheat & Financial) - Oilseeds

Last updated:2020/09/11 08:34:25 AM

Local


• Oliesade verhandel gemeng met Sonneblom wat uitsonderlik sterk presteer, teenoor Sojaboonkontrakte wat sywaarts en negatief sluit
• Sonneblomkontrakte sluit tussen R130/ton en R146/ton positief, terwyl Sojaboonkontrakte tussen R19/ton swakker en R6/ton beter die dag eindig.
• Die Desember prysverskille tussen Sonneblom en Sojabone was heelwat bo die R1000/ton die vroeër die jaar. Desember Sonneblom se styging het egter veroorsaak dat die Desember Sojaboonkontrak nou slegs R191/ton duurder is soos met gister se sluiting.
• Die Rand verswak oornag en verhandel tans op R16.86/$, wat 14c swakker as gister middag 12uur se vlak is.
• Die pariteitsbeweging is R77/ton positief weens beide n swakker Rand en n baie sterk VSA Sojaboonprys.

International


• Sojaboonpryse verhandel gemeng gister met die September kontrak wat 5.25c styg tot $9.85/skepel, terwyl winsneming op die Desember kontrak gesien word. Laasgenoemde kontrak daal met 1c tot $9.7775/skepel.
• Die maandelikse WASDE verslag word vandag in die VSA deur die USDA bekendgestel.
• n Groot 7.2 miljoen skepel privaat transaksie met Sjina word aan die USDA rapporteer.
• Mark analiste het 'n daling van twee punte in die sojaboon kwaliteitsgraderings verwag, maar USDA se nuutste data bevestig net 'n daling van een punt, met 65% wat nou in 'n goed-tot-uitstekende toestand gegradeer is. Nog 25% van die oes word billik beoordeel (een punt hoër as verlede week), met die oorblywende 10% as swak-tot-baie-swak (onveranderd van 'n week gelede).
• Die konsultasie firma in Brasilie, naamlik Conab, pen die Brasiliaanse oes tans op 4 587 miljoen skepels wat beteken, sou dit realiseer, dat dit 4.8% hoër as verlede jaar se totale tonne sal wees.



Market Reports (Maize, Oilseeds, Wheat & Financial) - Wheat

Last updated:2020/09/11 08:34:25 AM

Local


• Koringkontrakte verhandel negatief. Al meer volatiliteit sal steeds op die laaste hoofmaand van die 2019 seisoen gesien word. Tussen druk op beskikbare voorraad, invoere en sluiting van spekulatiewe posisies sal markvolatiliteit en markonsekerheid nou hoogty vier.
• In pas met bogenoemde dinamika het die September 2020 R31 negatief teen R4999 verhandel.
• Nuwe seisoen koring op Desember 2020 verhandel tans teen R4891. Sterk verkoopsdruk word teen R4900 gesien.
• Die nuwe tarief is gepubliseer teen R832.07. Die nuutste tarief word egter tans op R689.52 bereken. Die publikasie sal weinig invloed op die markprys hê.
• Die wisselkoers verhandel vanoggend swakker teen R16.85.
• Die afgelope week is 49 435 ton koring vanaf Rusland ingevoer. Invoere sedert Oktober 2019 staan op 1 653 380 ton en uitvoere tans op 74 992 ton.

International


• VSA markte verhandel matig positief in afwagting vir vanmiddag se WASDE verslag. Verwagtinge is dat VSA voorraad van Augustus 2020 se 925 miljoen skepels hoër aangepas kan word.
• VSA winterkoring vir die 2020/21 seisoen is 5% geplant.
• Die onlangse reën in Australië veroorsaak dat hul 2020/21 koringoes met 8% groter aangepas word na 1.062 biljoen skepels.
• Die Russiese oes word 'n verdere 0.08% hoër teen 3.061 biljoen skepels vir die 2020/21 seisoen geraam.
• Die Desember 2020 kontrak verhandel tans teen $5.50.
• VSA uitvoerinspeksies het op 19 miljoen skepels vir die afgelope week uitgekom. Verwagtinge was vir tussen 16.5- en 25.7 miljoen skepels. Nigerië was die grootste koper met 3 miljoen skepels.
• VSA lentekoring is tans 82% gestroop. Die vyf jaar gemiddelde tempo teen dié tyd is 87%.
• Saoedi-Arabië is in die mark vir 'n gesonde 26.3 miljoen skepels harde- en sagte maalkoring.



Market Reports (Maize, Oilseeds, Wheat & Financial) - Financial

Last updated:2020/09/11 08:34:25 AM

International


• Die Rand verhandel gister wesenlik swakker op grond van verswakkende plaaslike ekonomiese fundamentele faktore.
• Statistiek Suid-Afrika het gister myn- en vervaardigingsdata bekend gestel, met itsette wat geveal het met 9.1% en 10.6% in Julie onderskeidelik.
• Die swak data tesame met die onstellende BBP syfers wat Disndag bekend gemaak is, beklemtoon die wesenlike negatiewe impak van die pandemie tesame met voordurende fiskale risikos.
• Die Rand is steeds sensitief vir eksterne faktore rakende Covid-19, VSA-Sjina handels en globale sentiment.
• Die Europese Sentrale Bank se beleidsverklaring was oor die algemeen positief, maar meen analiste dat onsekerheid oor die Euro nie ten volle aangespreek is nie, veral in die lig van Brexit.
• Met die voortdurende onsekerheid op markte, keer markdeelnemers terug na veilige hawens, met goud wat die grootste voordeel trek. Goud verhandel tans op $1,940 per fynons.
• Die dollar indeks verhandel sterker op 93.273 punte.
• Brent ru-olie se prys verhandel vanoggend op $39.87/vat.
• Die JSE se indeks vir alle aandele verhandel gister sterker op 55'953 punte.



Market reports

Latest detail reports

  1. 2020-09-25_ In_Uitvoer_Verslag.pdf
  2. 2020-09-25_ Daaglikse_Markverslag_Min.pdf
  3. 2020-09-25_ Daaglikse_Markverslag.pdf